今日去探望女兒 , 和她講了一個很長的故事 ....

這個故事 , 便是由爺爺入院 , 直至舉殯之後. 整個過程很詳細的解釋給她聽.

女兒聽完之後 , 問了我一句 : 爺爺走了 , 你會唔會好傷心呀 ?

我隨即答 : 唔會好傷心 , 小小啦 ! 因為爺爺本身已年老多病 , 而且住院之後一直都沒有太辛苦 , 最後很舒服的上了天堂 , 變成小天使 , 永遠都會守護着我們 , 所以 , 爺爺不再會覺得辛苦了 , 咁所以咪唔會太過傷心囉 !

講完呢個漫長嘅故事後 , 我問女兒 :

我 : 如果爸爸死了 , 妳會唔會好傷心呀 ?

女兒 : 唔會.

我 : 點解呀 ?

女兒 : 因為我覺得爸爸你而家好辛苦 , 如果走了 ,  以後就唔會再辛苦啦 ! 而且 , 你又會變成小天使 , 仍然會喺我身邊呀 !

哈哈 ! 女兒好快便明白了故事的意義了.