老爸的離逝 , 沒有令到老媽有太大情緒波動 , 但 , 卻因為這件事 , 令孝順的老媽想起一些事 , 如我沒有睇錯 , 假如我, 兩位哥哥及姐姐沒有作出相應行動 , 老媽將有可能做出一些傻事 ...

前幾晚 (因為我現在太善忘 , 已忘了是那一晚) 姐姐一家人陪老媽食晚飯 , 我當然又係"痴"飲"痴"食啦 ! 當晚在言談中 , 老媽突然很感慨地講 , 怕日後(即老媽與老爸團聚之後) 無人理會婆婆(老媽的媽媽)的靈位.

當晚老媽講得很認真 , 我當時覺得 , 因為老爸離開了 , 而老媽自己又已超過70高齡 , 怕自己亦不知能在世多久 , 而婆婆的靈位 , 近年來只有老爸老媽前往拜祭 , 所以 , 孝順的老媽便開始擔心 , 婆婆的靈位在她走後會無人理會 , 所以 , 老媽好像有個心願 , 當老媽與老爸團聚之時 , 將婆婆的靈灰取出 , 放在他們之靈位內 , 那麼日後我們去拜祭時 , 亦可以順道探望一下婆婆.

最初我和姐姐都不以為意 , 以為只是老媽講起這個話題 , 才帶出這個想法. 我和姐姐都錯了 !

今日老爸出殯完畢 , 在酒樓食飯時 , 老媽再次提出這個 "話題" , 咁 , 莫非這真是老媽的心願 ?

上面的問題 , 我剛才用我的直覺找到答案了 : 這真是老媽的心願 !!

晚飯後 , 老媽突然入了我房 , 大概對話如下 : (已不太記得了 , 所以要儘快想出並寫下)

媽 : 你知唔知老豆個位幾多錢呀 ?

我 : 知呀 ! 做咩呀 ?

媽 : 係咪大概5萬一個呀 ?

我 : 幾錢唔緊要啦 ! 大哥同家姐會計數啦 !

媽 : 咁你二哥都要知道要夾幾多錢架 ?

我 : 呢D嘢大哥同家姐會同二哥傾啦 ! 妳唔駛擔心 !

對話大概是如此 , 不過由於之前老媽提過婆婆靈位的事 , 所以 , 直覺話畀我知 , 老媽想打聽靈位價錢 , 自己上寶福山 , 用自己的錢買多一個靈位畀婆婆. (這是老媽好有可能會做的一大傻事 ! 因為就算要買 , 都會由哥哥姐姐負責 , 何需老媽自己擔心 ?)

我一向對自己D直覺都好有信心 , 所以立即打電話畀姐姐傾 , 傾完之後 , 我與姐姐已有了共識 , 首先姐姐明天立即向老媽表態 , 保證會將這事認真及妥善地安排 , 並叫老媽唔好自把自為 ...

老媽的孝心 , 在當晚食飯時 , 我和姐姐聽到老媽提及自己與婆婆的故事後 , 已表露無遺了 ! 唉 , 可恨的是 , 我沒有收入 , 老爸的靈位只能出力沒有出錢 , 而今次老媽的心願亦如此 , 我都是老爸老媽的兒子啊 ! 這令我愈來愈難堪 , 雖然俗語云 : 有錢出錢 , 有力出力 , 但 , 我沒有出一份錢 , 變相便令哥哥姐姐的負擔重了 ! 我覺得自己好無用 ...